S Khabar

१० रुपैयाँमा तीन डल्ला प्याज !

बजारमा प्याजको मूल्य आकासिएपछि शेरेको घरमा तरकारीमा प्याज नपरेको एक महिना भयो । गुड फ्राइडे मनाउन उनीहरुले मासु लगायत अरु सवै सामग्रीको बन्दोबस्ती गरे । शेरेकी श्रीमती मासुका लागी प्याज किन्न बजार पुगी । साउँजीसँग प्याजको मूल्य सोध्दै-

शेरेकी श्रीमती: साउजी प्याजको मूल्य कति ?

साउजीः किलोको २ सय २० रुपैयाँ….।

(चतुर शेरेकी बुढीले यस्तो महँगो प्याज किनेर लैजाने विचार नगरी मनमनै उपाय सोची ) र भनी-

शेरेकी बुढीः (मस्किँदै) एक डल्लो प्याज दिनु न ! १० रुपैयाँ मात्रै छ ।

साउँजीः एक डल्लोलाई ४० रुपैयाँ जति पर्छ तर पनि… भन्दै एक सानो डल्लो प्याज दिन्छ ।

हेर्दा हेर्दै शेरेकी बुढीले अर्को ठूलो प्याजको डल्लो टिपेर भाग्छे । रिसको झोकमा साउजीले पर पुगेकी शेरेकी बुढीलाई प्याजको डल्लोले हिर्काउँछ । त्यो डल्लो पनि टिपेर शेरेकी बुढी टाप ।

साउजी ट्वाँ । 🙂 🙂

घरमा पुगेपछि…

श्रीमतीः सुन्नु भो आज मैलै १० रूपियाँमा तीन डल्लो प्याज़ ल्याएँ नि !

श्रीमानः ल गज्जब, तर कसरी ?

श्रीमतीः १० को एकमात्र दियो तर अर्को चाहिं मैले लिएर भागेँ ! पसलेले रिसले अर्को प्याजको डल्लोले मलाई हान्यो त्यो पनि टिपेर कुँदे….। 😀 😀 😀

कमेन्ट गर्नुहोस्
Loading...