S Khabar

अमेजनको दुई महिनाको बिक्री बराबर चिनिया कम्पनी अलिबाबाले २४ घण्टामा ४३ खर्ब रुपैयाँको सामान बिक्री

चीनको इ–कमर्स कम्पनी अलिबाबाको ‘सिंगल डे सेल’ मा २४ घण्टाभित्र ३८.४ अर्ब डलर अर्थात् ४३ खर्ब रुपैयाँको बिक्री भएको छ । यो अहिलेसम्मकै सबैभन्दा उच्च ‘सिंगल डे सेल’ हो । यो गत वर्षभन्दा २७ प्रतिशत बढी हो । सन् २०१८ मा सिंगल डे सेल्स ३० अर्ब डलर रहेको थियो ।

अलिबाबाले यो वर्ष सिंगल डे सेलमा जति कमाए, अमेरिकी कम्पनी अमेजनको दुई महिनामा त्यति बिक्री हुन्छ ।

अमेरिकी गायक टेलर स्विफ्टको प्रस्तुतीसहित आइतबार राती १२ बजे (चीनको समयानुसार) सुरु भएको अलिबाबाको अनलाइन सेल सोमबार मध्य रातमा समाप्त भयो । कम्पनीले एक सेकेन्डमा पाएको अर्डरको आँकडाको रेकर्ड ५.४४ लाख पुग्यो । यो सन् २००९ को तुलनामा १३६० गुणा बढी हो । कम्पनीले यसै वर्ष सिंगल डे सेल सुरु गरेको थियो ।

विश्लेषकले १० प्रतिशत ग्रोथको अपेक्षा गरेका थिएः

अमेरिका–चीनबीच व्यापार युद्ध र चीनको अर्थव्यवस्थामा मन्दीका कारण अलिबाबा यो वर्ष दबाबमा छ । विश्लेषकले सिंगल डे सेलमा पनि यो वर्ष १० प्रतिशतको वृद्धि अपेक्षा गरिरहेको थियो तर २७ प्रतिशत रह्यो । गत वर्ष पनि यति नै रह्यो । अर्कोतर्फ केही विश्लेषका अनुसार अर्थव्यवस्था जति नै खराब भएपनि भारी छुट पाएपछि ग्राहकको संख्या कुनै पनि हालतमा बढ्छ ।

यस वर्षको सिंगल डे सेलस यसकारण पनि महत्वपूर्ण छ किनभने अलिबाबा हंगकंगको शेयर बजारमा लिस्टिङका लागि आइपिओमार्फत् १५ अर्ब डलर जुटाउने योजनामा काम गरिरहेको छ । सिंगल डे सेलको आँकडाले आइपिओका लगानीकर्तालाई लोभ्याउनका लागि सहयोगी हुनसक्ने अनुमान गरिएको छ ।

अलिबाबाले सन् २००९ मा चीनमा सिंगल डे सेलको सुरुवात गरेको थियो । यो दिन ११ नोभेम्बर यसकारण निश्चित गरिएको थियो किनभने यो मितिमा ११११ अर्थात् चारपटक सिंगल आउँछ । अलिबाबाको सिंगल डे अब संसारको सबैभन्दा ठूलो अनलाइन सेल बनिसकेको छ । अमेरिकामा यस्तै प्रकारको सेल साइबर मन्डेमा गत वर्ष ७.९ अर्ब डलरको बिक्री भएको थियो ।

कमेन्ट गर्नुहोस्
Loading...